«Трансмашхолдинг» АО-сь – инь оцюсь Россияса и масторлангса инь оцюфнень эзда фкясь машина кинь и ошень рельсовай транспортонди подвижнай составонь анокламаса и нолямаса.
Кирилл Липа спасибась Мордовиянь командати кеме сотрудничестванкса и азондсь холдингть РЖД-ть мархта марстонь работаснон келептеманц колга компаниять сай кизонь инвестиционнай планонзон видеса. Эсост эрьгавста тевс сувафтф «Трансмашхолдингть» мархта нолдаф подвижнай составсь и, тянь мяльс сявозь, «Электровыпрямитель» саранскяень заводонь комплектующайхне.
Предприятиять цебярьхть работань результатонза. Тонафневт и тевс сувафтф управлениянь система мархта од продуктат – преобразовательхть, конат тяни кармайхть нолявома тевс ТМХ тепловосненди. Мордовияв ётафтови аппаратнай производствась. Сон муй васта заводть уликс площадензон лангса синь реконструкциядост меле, тиевихть технологическяй од решеният, ладяф 50 лама продукциянь позициянь нолдама. Тяфта жа сай кизоня арьсеви ушедомс оцю бизнес-план транзисторонь, силовой полупроводниконь нолямать коряс 2 млрд.цалковайть малава инвестициятнень марстонь объёмснон мяльса кирдезь.
Азфоль, што предприятиясь пяшкотькшнесыне эсь лангозонза сявф сембе обязательстватнень. «Электровыпрямительть» «Трансмашхолдингть» мархта сотрудничестванц пингста заводоньке касфтозень производствань объёмтнень 3-ксть: 2 млрд. цалковайста сявомок 6 млрд. цалковайти молемс. Обеспечендаф налоговай отчислениятнень, заработнай плататнень касомасна, покодихнень стабильнай лувксснон ванфтомасна. Ладяф кадрань целевой анокламась марса Н.П.Огарёвонь лемса МГУ-ть мархта.
«Ширень кирдемась, конань макссесы республикань руководствась, максси тейнек возможность касондомс–вииякшнемс динамичнайста», - китькстазе «Трансмашхолдинг» АО-ть од проектонзон виияфнемаснон коряс директорть Сергей Реботенко.
Мордовиянь Оцюнясь китькстазе: главнай цельсь–виияфтомс од компетенциятнень, келепнемс производственнай возможносттнень. Тя лезды лисендемс од рынкатненди, тиендемс республикань инь сире предприятиятнень эса высокопроизводительнай покодема вастт.
Тяфта жа ширетне корхтасть ТМХ предприятиятненди поставщиконь шить ётафтоманц колга.
Мордовия Республикань Оцюнять Пресс-службац