Сяськомань Шись питни аф аньцек ветераттненди – тя сембе странань ила, сон эряй минь странеконь эрь ломаненц седиса, оцюнек-ёмланек. Сянкса, кода и фалу, мероприятиятне кармайхть ётафневома касы поколениягь эряз участиянц мархта. Кода китькстазе васенце вице-премьерсь Галина Лотванова, 6 майста сявомок мордовиянь сембе образовательнай организациява ётайхть «Разговоры о важном», лама лия патриотическяй мероприятия. «Бессмертный полк» акциясь ётай онлайн-форматса.
Сембе муниципальнай образованиятне тяниень пингть заняфт урядамань и вастонь петемань-мазоптоманень тефнень мархта. Республикань Оцюнясь путсь задача тиемс нят тефнень вишкста, башка ванф максомс памятникненди и калмама вастненди.
Саранск ошень округть оцюняц Игорь Асабин пачфтсь сянь колга, мезе тиендеви ошень ульцятнень, площадтнень, скверхнень, паркнень, памятникнень мархта, штоба сафтомс синь нормативнай состоянияс. 1 апрельста сявомок Саранск ошса нолдаф тевс «Чистый город» акциясь. Эрь шиня ульцянь урядама лисенди 200 лама ки лангса покоди ломань, а тяфта жа местного самоуправлениянь органонь, муниципальнай предприятиянь, управляющай компаниянь, общеобразовательнай, спортивнай, шумбрашинь ванфтомань, культурань учреждениянь, коммерческяй предприятянь сотрудникне и ошэряйхне.
27 апрельста Саранск ошень округонь территорияса ётась Всероссийскяй субботниксь. Урядамась мольфтевсь 73 общественнай пространствань вастса, а тяфта жа ся васттнень эса, конат ащихть ошень предприятиятнень и организациятнень ваксса.
Общественнай сетьмешинь ванфтомать и террористическяй връгятемати каршек ащемань цельхнень коряс торжественнай илань ётафтомста, кармайхть примафт общественнай порядкань и лама ломань мархта васттнень эса сетьмешинь сембе эрявикс мератне.
Ломаттнень сетьмешиснон ванфтомаснон и китнень лангса движениять ладяманц инкса торжественнай илатнень ётафтомста, конат лемтьфт Сяськомань Шити, Саранск ошень округса 8 и 9 майста кармай мзярошка пингс селкф транспортнай средстватненди ётамась и автомобильхненди эрь кодама ульцянь-кинь сетьса лоткамась.
Мордовия Республикань Оцюнять пресс-службац