Минь республиканеке – кода фалу эряз участник сембе федеральнай конкурснень эса грантонь максоматнень мархта. Корхтамась мольсь сяда товонь республикать участиянц колга федеральнай проектса: «Регион для молодых» сембероссиянь од ломанень политикань сембе ширде касомань программаса странань субъектса и «Регион добрых дел» волонтерствань инь цебярь практикань кирдемань проекттне. «Регион для молодых» проект видеса республикать ули мялец строямс кафта од од ломаненди центрат Чамзинскяй и Дубенскяй райоттнень эса. Мордовиянь добровольческяй практикатнень видеса арьсеви сяда тов касфнемс-виияфнемс уликс Добро.Центры ГБУ «Мордовский республиканский молодежный центр»-ть базаса и «Волонтёры культуры Мордовии» ресурснай центрась и тяфтама жа учреждения «Добровольчествань Ресурснай центрань» базаса. Тяфта жа арьсеви регионти од направлениянь касфтомась-виияфтомась – семейнай, инклюзивнай, корпоративнай, архивнай, чрезвычайных ситуациянь урядамань и киберволонтерствань сфераса.
Артём Здунов азондсь Мордовиять мялензон колга народъётконь од ломанень мероприятиянь эряфс нолдамать коряс. Минь регионнеке аноклай примамс мероприятия Россияса од ломанень предпринимательствань касомать коряс Россиянь и Китайень креативнай индустриянь представительхнень ёткса. Тяфта жа странань Президентть порученияц видеса Сембемасторонь од ломанень фестивальть и сонь мялензон-арьсеманзон культурнай шефствань программать коряс тевс нолдамаснон коряс арьсеви ётафтомс мзярошка мероприятия Беларусть мархта.
Аноклави заявка федеральнай проект видеса Мордовияса национальносттнень ёткса соткснень кемокстамаснон и тематическяй компетенциянь Центрань тиемать коряс, товолдонь практикань касфтомань возможность мархта.
Ширетне тяфта жа корхтасть планснон колга панжемс од ломанень центра братскяй Мордовияти Херсонскяй областень Каланчакскяй районса.
Васьфтемаса примасть участия вице-премьерхне Наталья Таркаева и Инсаф Хайруллин, од ломанень Госкомитетть председателец Анастасия Гришнева.
Мордовия Республикань Оцюнять пресс-службац