Рузонь православнай церькавонь Тонафтома комитетть вятиенза састь республикав Саранскяй духовнай семинариять плановай инспекционнай проверяманц мархта. Тяфтама проверяматне ётафневихть тонафтома вастова эрь колма кизотнень.
РПЦ-нь Тонафтома комитетонь председательсь сюконясь Мордовиянь Оцюняти церковно-государственнай сотксненди и регионца духовнай образованиять касфтоманц-виияфтоманц коряс оцю уровенть инкса.
Лятфтасаськ, семинариясь пуроптфоль 2017 кизоня Священнай Синодть мярьгоманц коряс Москувонь и сембе Русень Святейшай Патриархть благословениянц вельде. Тядде сон получась государственнай регистрация. Семинариясь нолдась эряфс ниле эрявис образовательнай программат, а стане жа священнослужительхненди, монашествующайхненди и церькавонь специалисттненди квалификациянь касфтомань курсат.
Саранскяень духовнай семинариясь ащи Научно-образовательнай теологическяй ассоцицияв сувайкс, а стане жа православанай од ломаттнень мархта покоди Регионъётконь координационнай центрав сувайкс Приволжскй федеральнай округса. Семинариять базаса ётнихть школьникненди олимпиадат, ётнихть православнай од ломаттнень мархта васедемат, тонафнихненди ётафневихть экскурсият.
Республикань руководительсь китькстазе обществаса духовно-нравственнай образованиять касфтоманц-виияфтоманц эрявиксшинц, од ломаттнень касфтомасна патриотизмати и койхненди кельгозь. Башка рольсна тя тевса духовнай образовательнай учреждениятнень. Мордовияса гражданскяй институттне и правосланай церькавсь кирдихть соткст системнай основаса. Мокшэрзянь митрополиять сёрматфт Соглашениянза соткснень коряс образованиянь Министерствать, культурань Министерсвать и од ломаттнень тевснон коряс Госкомитетть мархта. Священнослужительхне примсихть участия «Разговоры о важном» мероприятияса, конат ётафневихть школаса. Кода китькстазе образованиянь министрсь Елена Солдатова, тонафтыхне няйсазь шабатнень кепотьф мяльснон тяфтама уроконь ётафтомаса.
Васедемаса ванфтольхть регионца сяда товолдонь духовнай образованиять комплекснай касфтоманц-виияфтоманц коряс кизефксне. Рузонь православнай церькавонь Тонафтома комитетонь председательсь кемокстазе тя направлениять коряс соткснень анокшиснон.
Мордовия Республикань Оцюнять пресс-службац