Цебярь полафтомась китькстави сембе сфератнень эса. Тяфта, 2023 кизоня региональнай валовай продуктать касомац арась 4,5%. Тя инь оцю касомась мекольце кефкие кизоста (России 2023 кизоня ВВП-нь касомась няфтсь 3,6%).
Промышленнай производствась кассь 2023 кизоня 8%-тс (3,5%-тс - Российскяй Федерациять коряс), тя кизонь январь-апрельть пингста –13,3%-тс ( Россияса – 5,2%-тс).
Инвестициятне основной капиталти 2023 кизоста - 74 млрд.цалковайда лама (74,1 млрд. цалковай) и кассть ётай кизоть ваксста 12,4%-тс (карань каршек путови питнеса). Тя инь оцю касомась 2012 кизоста. 2024 кизонь январь-март кофнень эзда тя цифрась арась 13 млрд. цалковай 8,4% касома мархта ётай кизонь тяфтама жа периодти.
Сельскохозяйственнай производствань объемсь 2023 кизоня кассь 5,6%-тс 2022 кизоти, тя кизонь январьста-апрельста – 3,4%-тс. Ётай кизоть ульсь кочкаф паксянь сёронь пяк козя урожай – 2 млн. тоннада лама (118% 2022 кизоти), кочкаф 1 млн. лама тонна ламбада якстерь ряпс (121% ингольдень кизоти.
Кассь лофцонь, сиволень, колбаснай изделиянь нолдамась. Пяк няевиста – фкя пяледа – кассь сахар почфонь нолдамась - 144 тежянь тонна 2023 кизоня.
Тяфта жа, кода китькстазе Наталья Таркаева, 1,3 ётай кизоти кассь розничнай мишендемань процентсь (странать коряс кучкань показательсь - 8%). Касомань темпть коряс Мордовиясь инь цебярьсь ПФО-нь региоттнень ёткса и омбоцесь Россияса. Ламода тя сотф регионса кочкаф законтть налогообложениять коряс льготатнень мархта ёмла и средняй бизнесонь субъекттненди.
Мордовияса инь ёмла инфляциянь показательсь марнек странаса. Тяфта, потребительскяй питнень своднай индекссь 2023 кизоня няфтсь 104,8% - тя 2 вастсь ПФО-са и 8 вастсь Россияса. 2024 кизонь январь-апрельста сон няфтьсь 106,2% - тя инь ёмла значениясь ПФО-нь региоттнень ёткса и 6 вастсь Россиять коряс.
Республикань Оцюнясь китькстазе тяфта жа зарплатань касомать эрявиксшинц – эрь кодама отраслява сон аф фкя лаца, ули мезь лангса покодемс.
Мордовия Республикань Оцюнять пресс-службац