Мордовиянь Госсобраниянь депутаттне пшкядсть Россиянь Правительствань Председательти Михаил Мишустиноньди миграционнай законодательствань цебярьгофтомань кизефкть коряс. Парламентарихне педа пес ванозь общественнай организациянь представителень тердемань механизмать лия ширде саф ломаттнень рузонь кяльть содамань уровенцнонды оценкать максомати и документса тяштезь конкретнай предложениятнень.
«Тя пяк эрявикс тема, въдь омба масторста саф ломаттненди эряволь ба лац содамс и кельгомс рузонь кяльть, историяньконь, законнеконь и минь странанеконь эрямань укладонц», - китькстазе РМ-нь Государственнай Собраниянь Председательсь Владимир Чибиркин.
Эрявиксокс арась организациянь имуществать лангс налогть колга проектсь. Корхтамась мольсь тевонь и мишендемань центратнень, а тяфта жа аф эрямань тежянь квадрайтнай метрада лама площадь мархта помещениятнень колга, коса ащихть офист, лавкат, кафет, ресторатт, машинь салотт.
«Аф цебярь туфталонь нивелированиянь цельхнень, недвижимостень объектонь кадастровай питнень касфтомать и предпринимательскяй субъекттнень лангс вишке налоговай нагрузкань касфтомань аф нолдамать колга арьсезь ульсь арьсеф тиемс налоговай преференция организациянь имуществань лувф налокть пяшксе сумманцты (кадастровай питнеть эзда) поэтапнай доведениять коряс. 2024 кизоня налогть сумманц касомац кармай уровентти 40% -тта аф сяда лама 2023 кизонь уровентти, 2025 кизоня - 30% 2024 кизонь уровентти и 2026 кизоня - 30% 2025 кизонь уровентти», - азозе Мордовиянь Правительствать Председателенц полафтыец Наталья Таркаева.
Ламоц ванф шинь повесткань кизефксне каннесть социальнай характер. Синь ётксост зрениянь коряс инвалиттнень, конат эряйхть республикаса, социальнай кирдемасна. Депутатскяй инициативать коряс, конанц колга азондсь РМ-нь Госсобраниянь Председательть полафтыец Наталья Долматова, тя категориянь ломаттенди ванф эрь кизонь пандома 15 тежянь ярмак питнеса, конац кармай пяшкотькшнема проводник-пинеть кирдеманц и ветеренарнай ваноманц инкса ётафтф ярмакнень.
«Федеральнай законса тяштьф, што инвалидть, конань ули проводник-пинец, ули правац сонь кирдеманц лангс ётафтф ярмаконь мрдафтомась. Ня компенсациянь расходтне макссевихть РФ-нь Социальнай Фондтть бюджетста. Тяниень кизоть сонь питнец 35 тежянь ярмак. Фактическяй ётафтфт суммась поводырь-пинеть кирдеманц лангс Мордовияса 50 тяжянь цалковайть малава. Сувафтови региональнай выплатась тертьф марнек селгомс ярмаконь ётафтомать ниле пильге мархта лездыхнень кирдемаснанс лангс», - азозе Наталья Долматова.
Парламентарийхнень решенияснон коряс лама идь мархта семиятненди ульсь максф права ётафтомс республиканскяй тядянь капиталонь средстватнень тяни моли квартирань или кудонь одкстоптомать лангс, конац ащи мельгаст. Тяда башка, нят ярмакне ули кода ётафтомс музыкальнай инструментонь и оборудованиянь рамамс лама идь мархта семияста иттненди, конат тонафнихть музыкальнай школаса.
Сессияса ётафтф ётай кизоть покодемать колга отчёт мархта выступандасть РМ-нь Счётнай палатань руководительсь Николай Ларьков, Мордовия Республикаса идень праватнень коряс Уполномоченнайсь Наталья Юткина.
Марнек ульсь ванф 13 кизефкс.
Сессиять шумордамста, Мордовиянь Госсобраниянь Председательсь Владимир Чибиркин поздравляндазень депутататтнень сай россиянь парламентаризмань Шить мархта.
Мордовиянь Известият