Мордовиянь Прявтось Владимир Волков вастовкшнось Ромодановань сахоронь заводонь прявтонть Александр Атласовонь марто. Кортамось мольсь предприятиянть виевгавтомадонзо, производствань вийтнень кастомадост.
Мордовиясь иестэ иес касты ламбамо якстерькаень производствань покшолматнень ды кармась икелев молицякс Равчирень федеральной округсонть те культуранть урожайностенть коряс. 2016 иестэ пурназь ламбамо якстерькаень 1 миллион 70 тёжат тоннат, вейке гектарстонть саезь 430 центнерт.
Ромодановань сахоронь заводонь прявтось пачтясь Республикань Прявтонтень, тедеде поладови предприятиянть витнемась. Уш ушодозь сахоронь костямонь ды сахоронь пештемань од отделениятнень строямось, теезь важодемань 72 од таркат. Неень шкане заводсонть важодить малав 600 ломанть. Меельце вете иетнень перть производствань виевгавтомантень ютавтозь 1,4 млрд целковойде ламо.
Республикань Прявтось Владимир Волков кармавтсь шкастонзо прядомс предприятиянь витнемань весе тевтнень ды ванстомс производствань покшолматнень кастомань вийтнень. Тедеде заводось бажи нолдамс тевс ламбамо якстерькаень 1 миллион тонна ды нолдамс сахоронь 130 тёжат тоннат.
Мордовия Республикань Прявтонть пресс-службась