Шавшиста, 21 мартста, Мордовиянь Оцюнясь Владимир Волков етафтсь васедема Россиянь строительхнень Ассоциацияснон президентонц Николай Кошманонь мархта. Корхтамась мольфтевсь строительнай производстваса марстонь работать колга. Шинь повесткаса лихтьф кизефкснень еткста фкясь – Саранскяйса аквапаркть строяманц коряс марстонь работась.
Николай Кошман азозень республикань Оцюняти Саранскяса няйфть эзда эсь мялензон-арьсеманзон: « Ошсь касы-вииякшни, сембе вастова няеви арушись. 2018 кизонь чемпионатонь объекттнень строительнай площадкасост работась мольфтеви сембе вийса – стадионца, маластонза жилой микрорайонца, набережнайса. Вятевихть ни благоустройствань тефне, и арьсян, што тя кармай Саранскяйса инь мазы вастсь!»
Инжихне стане жа ванозь мокшэрзянь предприятиятнень производственнай площадкаснон, конат сувсихть оптоволоконнай кластерти – «Оптиковолоконные системы» АО-ть и «Оптикэнерго» ГК-ть, конат лемтьфтольхть «21 веконь заводкс, конат технологиятнень и производствать организациянц коряс инголясазь аф аньцек российскяй, но и омба масторонь коллегаснон».
Васедемаса башка мяль шарфтфоль Саранскяйса Россиянь строительхнень Ассоциацияснон ширень кирдеманц вельде аквапаркть строяманцты. Николай Кошман отмечазе оперативностть, конань мархта региональнай и ошень власттне решандакшнесазь сембе кизефкснень, конат сотфт тя проектть эряфс етафнеманц мархта. Кочкаф ни участкась, коса строяви аквапарксь (Волгоградскяй ульцять лангса «Сити-Парк» ТЦ-ть маласа), а стане жа решандафт ни кизефксне проектированиять и землеустроительнай работатнень коряс. Ширетне састь марстонь мяльс, што аквапаркть именна тя участкаса, 2018 кизонь чемпионатонь объекттнень маласа, строямац кармай сембода правильнайкс.
Владимир Волков отмечазе: «Тя объктсь пяк лац сувай од микрорайонть архитектурас, кармай вешевикс аф аньцек Саранскяень и Мордовиянь эряйхнень ширде, но и шарфтсы региононьконь лангс туристтнень мяльснон. Аквапаркть строямац – задача, кона должен улемс решандаф!»
Проектть эряфс етафнеманц коряс сембе кизефкснень мярькфоль кирдемс личнай контроль ала МР-нь Праивительствать Председателенц заместителенцты – Саранск ошень округонь оцюняти Петр Тултаевонди.
Мордовия Республикань Оцюнять Пресс-службац